منتديات شباب تايمز - مين فاكر ذكريات اكتر ؟
دخول الأعضاء
الإسم: الكلمة السرية:
هل نسيت الكلمة السرية؟ أضغط هنا..



طباعة
التواقيع
حجم الصفحة:
الصفحة :
إذهب إلى منتدى:
دردشة وفرفشة
  مين فاكر ذكريات اكتر ؟  عرض جميع المشاركات بالكامل تصغير عرض جميع المشاركات
chabab
15:05 - 09/29  
زمان كان المصروف نص جنيه
وبنصحى 6:30 
وبنروح مشي للمدرسه 
كنت تستنى أمك وهيا تحطلك السندوتشات فى الشنطه كانت 7 حصص 
وأكبر فرحه لما أستاذ يغيب ويكونوا 6 حصص 
كانت الحيطان مكتوب عليها أسامينا
وراسمين عليها قلوب وأسماء صحابنا 
كان الخوف من حل لواجب أكبر خوف 
وكانت رهبة الأستاذ كبيره 
كان جرس المرواح أكبر فرحه 
كنا نجرى عشان نطلع من الباب زى اللى طالع افراج من السجن 
كنت احط إيدى على كتف صاحبى ونروح 
كانت ضحكتنا راس مالنا 
ماكنش للهم مكان جوانا 
كان الواحد يروح تعبان 
ويرمى الشنطه على الباب وينادى ياأمى عامله اكل ايه 
لما تكون زهقان تنزل تلعب ف الشارع مع صحابك 
بس بتفضل أيام زمان دى زكرى مابتتنساش 
وياريت يرجع زمان كنا أحلى كنا طيبين كنا صغيرين 
وياريت فضلنا صغيرين دا اسمه زمن الطيبين 
كنا بستنى سنه 4 إبتدائي عشان نكتب بالجاف 
تسألك امك الساعه كام تقولها الكبير على اربعه والصغير على سته 🕟
كنا نستنى الامتحانات عشان مانخدش الشنطه
وتلبس لبس جديد وتستنى الشهاده
واول ماتبان تكون أول واحد رايح تجبها
أكيد عملت حاجه من دى وانته صغير 
كنت بترسم الشمس فى زاويه الورقه
كنت بتقفل باب التلاجه براحه عشان تشوف اللمبه بتطفى أمته 💡
كان لما حد ف البيت يطلب منك كوبايه ميه كنت لازم تشرب
وقبل ماتدخل تمسح بؤقك عشان محدش يعرف انك شربت
وانته نايم كنت بتغطي رجليك وجسمك كويس عشان محدش يطلعلك من تحت السرير ويخدك 
اكيد انت بتبتسم دلوقتى على الأيام الحلوه 
وماتنساش قمه الفخامة أيام الإبتدائيه لما الأستاذ يديلك طباشير وأوراق ويقولك وصلها للأستاذ فى الفصل التانى اللى جمبينا بتمشي قدام الطلاب وبتحس إنك باشا

مين فاكر ذكريات اكتر ؟

معاوية
06:17 - 10/02  
بارك الله فيك
radwane
07:26 - 10/14  
شكرا لك
  مين فاكر ذكريات اكتر ؟  عرض جميع المشاركات بالكامل تصغير عرض جميع المشاركات

طباعة
التواقيع
حجم الصفحة:
الصفحة :
إذهب إلى منتدى:
دردشة وفرفشة

~ حكمة اليوم ~ ~ ~ 0.76 ثانية ~
~ XML Sitemap ~ HTML Sitemap ~ URL List ~